News

நடிகர் சங்கத்துக்கு விவேக் உதவி

கொரோனா ஊரடங்கால் வருமானம் இன்றி தவிக்கும் நலிந்த நடிகர்-நடிகைகள் மற்றும் நாடக நடிகர்களுக்கு உதவ நடிகர் சங்கம் நிதி திரட்டி வருகிறது. நடிகர்-நடிகைககள் பலர் நிதி மற்றும் அரிசி வழங்கி வருகிறார்கள்.

இந்த நிலையில் நடிகர் விவேக் நலிந்த நடிகர்கள் மற்றும் நாடக நடிகர்களுக்கு உதவ நடிகர் சங்கத்துக்கு ரூ.3.5 லட்சம் வழங்கி உள்ளார். மேலும் 100 மூட்டை அரிசியும் வழங்குகிறார். நகைச்சுவை நடிகர் யோகிபாபு நலிந்த நடிகர்களுக்கு 1,250 கிலோ அரிசி வழங்கி உள்ளார். உதவி பொருட்களை அவர் நேரில் வழங்கினார்.

இதுபோல் நடிகர் பசுபதி, நடிகை குட்டி பத்மினி ஆகியோரும் தலா ரூ.15 ஆயிரம் நிதி வழங்கி உள்ளனர். இந்த நிலையில் நடிகர் சங்கத்தில் உள்ள நலிந்த நடிகர்-நடிகைகள் மற்றும் நாடக நடிகர்கள் 2 ஆயிரம் பேர் வங்கி கணக்கில் தலா ரூ.500 போடப்பட்டு உள்ளதாக நடிகர் சங்க வட்டாரத்தில் தெரிவிக்கப்பட்டு உள்ளது.

நடிகர் சங்க தனி அதிகாரி வெளியிட்டுள்ள அறிக்கையில். “திரைப்பட வாரியத்தில் உறுப்பினர்களாக உள்ள தென்னிந்திய நடிகர் சங்க உறுப்பினர்களுக்கு அவரவர் வங்கி கணக்கில் ரூ.1000 செலுத்த தமிழக அரசு ஆணை பிறப்பித்து உள்ளது. எனவே உறுப்பினர்கள் இதற்கான ஆவணங்களை அனுப்பி வைக்கும்படி கேட்டுக்கொள்கிறோம்” என்று கூறியுள்ளார்.

Related Posts